Permanente link
Naar de actuele versie van de regeling
http://lokaleregelgeving.overheid.nl/CVDR48211
Naar de door u bekeken versie
http://lokaleregelgeving.overheid.nl/CVDR48211/1
Regeling vervallen per 01-12-2017
Oardering Frysk yn it skriftlik ferkear fan 'e gemeente Ferwerderadiel
Geldend van 01-10-2001 t/m 30-11-2017
Intitulé
Oardering Frysk yn it skriftlik ferkear fan 'e gemeente FerwerderadielDe ried fan de gemeente Ferwerderadiel;
lêzen it útstel fan boargemaster en wethâlders dd. 28 augustus 2001, nûmer 13/85.01;
yn omtinken nimmende dat it brûken fan de Fryske taal yn it offisjele fer-kear stipe wurdt troch de gemeente Ferwerderadiel;
omtinken jaande oan kêst 147 lid 1 fan de Gemeentewet;
omtinken jaande oan kêst 2:9 lid 1 fan de ‘Algemene wet bestuursrecht’;
Kêst 1 Definysjes
Yn dizze oardering wurdt ferstien ûnder:
twataligens |
: |
kar foar de Nederlânske of de Fryske taal. |
bestjoersorganen |
: |
de gemeenterie, it kolleezje fan boargemaster en wethâlders en de boargemaster. |
Kêst 2 Berik fan de oardering
Dizze oardering regelt it brûken fan de Fryske taal yn skriftlike stikken fan de gemeente Ferwerderadiel.
Kêst 3 Rjocht fan de taalkar
De bestjoersorganen hawwe it rjocht om te kiezen foar it brûken fan de Fryske taal, foar safier’t dat rjocht net beheind wurdt troch wetlike bepalings.
Kêst 4 Taalkar
De bestjoersorganen kieze foar it begjinsel fan twataligens.
Kêst 5 Kritearia taalkar
By de taalkar wurdt yn alle gefallen rekken hâlden mei:
- a.
De taalkarkritearia sa ’t dy dellein binne yn kêst 2:10 fan de ‘Algemene wet bestuurs-recht’.
- b.
It belang om deselde taal te brûken as dêr ’t it bestjoersorgaan yn oanskreaun is (folgjend taalbelied).
- c.
De kontinuïteit fan de taalkar.
- d.
De bestimming fan de dokuminten.
- e.
De konsiderâns fan ôfdieling 2.2 fan de Algemene wet bestuursrecht: ‘groter gewicht toe te kennen aan de beginselen van gelijke behandeling en gelijkwaardigheid van de Friese taal in de provincie Fryslân’.
Kêst 6 Oersettingsregeling
- 1.
Is in dokumint yn de Fryske taal steld, dan jout it bestjoersorgaan op fersyk in Nederlânsktalige oersetting.
- 2.
By in wiermerke Nederlânske oersetting fan stikken dy 't allinnich yn de Fryske taal steld binne, jout de oarspronklike Fryske tekst, yn gefal fan ynterpretaasjeferskillen, de trochslach.
Kêst 7 Unbarmhertichheidsklausule
Yn bysûndere omstannichheden wêrby 't de tapassing fan dizze oardering nei de miening fan in bestjoersorgaan ta ûnridlikens laat, kin it bestjoersorgaan motivearre ôfwike fan it bepaalde yn 'e oardering.
Kêst 8 Slotbepalings
- 1.
Dizze oardering giet yn op 1 oktober 2001
- 2.
Dizze oardering kin oanhelle wurde as ‘Oardering Frysk yn it skriftlik ferkear fan 'e gemeente Ferwerderadiel'.
Ondertekening
Ziet u een fout in deze regeling?
Bent u van mening dat de inhoud niet juist is? Neem dan contact op met de organisatie die de regelgeving heeft gepubliceerd. Deze organisatie is namelijk zelf verantwoordelijk voor de inhoud van de regelgeving. De naam van de organisatie ziet u bovenaan de regelgeving. De contactgegevens van de organisatie kunt u hier opzoeken: organisaties.overheid.nl.
Werkt de website of een link niet goed? Stuur dan een e-mail naar regelgeving@overheid.nl