Regeling vervallen per 01-01-2016

Feroardering Frysk yn it skriftlike ferkear fan de gemeente Gaasterlân-Sleat

Geldend van 30-12-2011 t/m 31-12-2015

De rie fan de gemeente Gaasterlân–Sleat;

sjoen it foarstel fan it kolleezje fan 4 oktober 2011, oangeande it Frysk taalbelied;

yn acht nimmende dat it brûken fan de Fryske taal yn it offysjele ferkear troch de gemeente Gaasterlân-Sleat stipe wurdt;

yn acht nimmende itjinge yn artikel 147, kêst 1, fan de Gemeentewet opnommen is;

yn acht nimmende itjinge yn artikel 2:9, kêst 1, fan de Algemiene wet bestjoersrjocht opnommen is;

b e s l ú t :

fêst te stellen de:

"Feroardering Frysk yn it skriftlike ferkear fan de gemeente Gaasterlân-Sleat".

Artikel 1 Begripsomskriuwing

Yn dizze feroardering wurdt ferstien ûnder:

  • a.

    dûbeltaligens: it tagelyk brûken fan de Nederlânske en Fryske taal;

  • b.

    twataligens: kar foar de Nederlânske of de Fryske taal;

  • c.

    bestjoersorganen: de gemeenterie, it kolleezje fan boargemaster en wethâlders en de boargemaster.

Artikel 2 Berik fan de feroardering

  • 1. Dizze feroardering regelet it brûken fan de Fryske taal yn skriftlike stikken fan de gemeente Gaasterlân-Sleat.

  • 2. De bepalings fan dizze feroardering binne fan tapassing op de bestjoersorganen fan de provinsje Fryslân.

Artikel 3 Rjocht fan taalkar

De bestjoersorganen hawwe it rjocht om te kiezen foar it brûken fan de Fryske taal, foar safier dat rjocht net troch wetlike bepalings beheind wurdt.

Artikel 4 Taalkar

De bestjoersorganen kieze foar it begjinsel fan twataligens.

Artikel 5 Kritearia taalkar

By de taalkar wurdt yn elts gefal om it folgjende tocht:

  • a.

    de taalkritearia sa’t se yn artikel 2:10 fan de Algemiene wet bestjoersrjocht opnommen binne;

  • b.

    it belang om deselde taal te brûken as wêryn it bestjoersoargaan oanskreaun is (folgjend taalbelied);

  • c.

    de kontinuiteit fan de taalkar;

  • d.

    de bestimming fan de skriftlike stikken;

  • e.

    de konsiderâns fan ôfdieling 2.2 fan de Algemene wet bestuursrecht: "grutter gewicht oan de beginsels fan gelikense behanneling en lykwurdigens fan de Fryske taal yn de provinsje Fryslân ta te kennen."

Artikel 7 Einbepalings

  • 1.

    Dizze feroardering giet de achtste dei nei bekendmeitsjen yn.

  • 2.

    Dizze feroardering kin as "Feroardering Frysk yn it skriftlike ferkear fan de gemeente Gaasterlân-Sleat" oanhelle wurde.

Ondertekening

Sa troch de rie fêststeld yn syn gearkomste fan

29 novimber 2011,

foarsitter.griffier